Протезирование ногтей
Протездеу – табиғи тырнақтарды емдік гельмен жабу процедурасы.
Біздің салондарда протездеу үшін GEHWOL (Германия) маркалы гель қолданылады. GEHWOL косметикалық өнімдері әлемге 140 жылға жуық уақыт бойы белгілі. Бүгінгі таңда бұл өнім нарықтағы ең үздік ұсыныстардың бірі болып саналады.
Гельдің құрамындағы тиімді саңырауқұлақтарға қарсы компоненттерінің арқасында GEHWOL гелі тырнақтың сыртқы келбетін жақсарту үшін ғана емес, саңырауқұлақ ауруларынан сенімді қорғаныс ретінде де қолданылады. GEHWOL протездеу гелі үш түсте шығарылады: мөлдір, қызғылт және опал (сүтті-ақ). Бұл түстердің арқасында шеберлеріміз әр клиентке жеке гель түсін таңдап бере алады.
Протездеу қол және аяқ тырнақтарына егер 3–5 мм сау тырнақ беті болса ғана жасалады.
Тырнақ мүлде жоқ болған жағдайда (туа біткен ақау) протездеу жүргізілмейді.
Протездеудің артықшылықтары:
- Жұқа және сезімтал тырнақтарды нығайтады;
- Тырнақтың эстетикалық кемшіліктерін жояды;
- Табиғи көрініс береді;
- Қолайсыздық тудырмайды;
- Саңырауқұлақтан қорғайды;
- Жылдам және оңай жағылады;
- Процедурадан кейін тырнаққа бірден лак жағуға болады;
- Коррекцияны қажет етпейді – гель тырнақпен бірге өседі.
Қызмет неміс технологиясы бойынша көрсетіледі.Біздің шеберлеріміз Новосібір қаласындағы танымал «Пластек» орталығында арнайы оқудан өткен.
Бұл орталық Германиядағы подологтар мектебімен тығыз байланыста жұмыс істейді және неміс мамандарын тұрақты түрде оқуға шақырып отырады.
